Saturday, 28 February 2015

ලන්දේසීන්ගේ ලංකා ආගමනය

පෘතුග්‍රීසීන් මෙන්ම ලන්දේසීන්ගේද අරමුණ වූයේ වෙළදාමෙන් ලාභ ලබා ගැනීමයි. ඒ අනුව ඔවුහු ඉන්දුනීසියාව,ඉන්දියාව,මලයාසියාව වැනි රටවලින් ගම්මිරිස්,සාදික්කා,කුරුදු,එනසාල්,කරාබු නැටි වැනි කුළු බඩුද මුතු,මැණික්,ඇත් දල,පිගන් බඩු හා සේද රෙදි වැනි භාණ්ඩද පෙරදිගින් ලබාගෙන විකුණා ලාභ ලැබූහ.
මෙකල ඉස්තරම් කුරුදු ඇති රාජ්‍යයක් ලෙස ලංකාව ප්‍රසිද්ධව තිබුණි.ඒ නිසා ලන්දේසීහු තම අවධානය ලංකාව දෙසට යොමු කළහ.
උඩරට රජකල පළමුවන විමලධර්මසූරිය රජුගේ එකම අභිප්‍රාය වූයේ පෘතුග්‍රීසීන් මෙරටින් පලවා හැරීමයි. ඒ අනුව එතුමා ඊට ලන්දේසීන්ගෙන් සහාය පැතීය. ඒ අනුව ක්‍රි.ව 1602 දී ලන්දේසී කපිතාන් ජොරිස් ෆන් ස්පිල්බර්ජන්ද පසුව සී.බෝල්ට්ද චාර්ට් යන ලන්දේසී ජාතිකයාද රජු සමග සාකච්ඡා පවත්වා ඇත.
මින් පසුව පෘතුග්‍රීසීන් පලවා හැරීම සදහා දෙවැනි රාජසිංහ රජු 1638 දී ලන්දේසීන් සමග ගිවිසුමක් ඇති කර ගත්තේය.